La canción de las bodas

Essora todos penssaron de adobar el palaçio

por el suelo e suso tan bien encortinado

tanta pópola e tanto xámed e tanto paño preçiado,

cavalgan los iffantes fuerte mientre adobados,

de pie e a sabor, ¡Dios qué quedos entraron!,

a mio Çid e a su mugier delant se le omillaron.

Plega a Santa María y al Padre Santo

ques pague des casamiento mio Çid o el que ovo algo.

Pues que a fazer lo avemos, ¿por qué lo imos tardando?

Venit Álbar Fáñez, el que yo quiero e amo

affé amas mis fijas, métolas en vuestra mano.

Afevos delant Minaya, amos sodes hermanos.

Por mano del rey, que a mí lo ovo mandado,

dovos estas dueñas, amas son fijas dalgo.

El Obispo don Jerome vistiós tan privado

dióles bendictiones, e la missa a cantado,

ricas fueron las bodas en el alcaçer ondrado,

al otro día fizo mio Çid siete tablados

antes que entrassen a yantar todos los crebantaron.

Quinze días conplidos en las bodas duraron,

non foron en cuesnta los averes monedados,

mantos e pelliçones e otros vestidos largos.

Qui aver quiere prender bien era abastado.

Todos ricos se tornan los que a las bodas llegaron,

venidos son a Castiella aquestos ospedados,

el Çid e sos hyernos en Valençia son rastados.

Hy moran los ifantes bien cerca de dos años.

Mucho eran alegres Dídago e Ferrando,

estos foron fijos del conde don Gonçalvo,

los amores que les fazen, mucho eran sobejanos.

Plega a Santa María y al Padre Santo

ques pague des casamiento mio Çid o el que lo ovo algo.

Las coplas deste cantar aquis van acabando.

El Criador vos vala con todos los sos santos.