Alfonso perdona al Cid

Al rey ondrado delant le echaron las cartas ;

quando las vio, de coraçón se paga:

«Saludadme a mió Çid, el que en buena çinxo espada

«sean las vistas destas tres sedmanas ;

«s’ yo bivo so, allí iré sin falla.»

Non lo detardan, a mió Çid se tornavan.

Della part e della pora las vistas se adobavan ;
¿quién vido por Castiella tanta mula preçiada.
e tanto palafré que bien anda,
cavallos gruessos e corredores sin falla,
tanto buen pendón meter en buenas astas,

escudos blocados con oro e con plata,

mantos e pielles e buenos çendales d’ Alexándria ?

Conduchos largos el rey enbiar mandava

a las aguas de Tajo, o las vistas son aparejadas.

Autor

  • Anónimo
    Nacimiento autor: No aplica
    Fallecimiento autor: No aplica
    Nacionalidad: España
Movimiento: Edad Media

Poemario

Edición utilizada: 1913 - Ediciones de La Lectura

Comentarios

Vv. 1959-1973  del Cantar de mio Cid.