La afrenta de Corpes

Entrados son los ifantes al robredo de Corpes,

los montes son altos, las ramas pujan con las nuoves.

Fallaron un vergel con una limpia fuont,

con sus mugieres en braços demuéstranles amor.

¡Mal gelo cunplieron quando salie el sol!

Todos eran idos, ellos quatro solos son,

tanto mal comidieron don Elvira e doña Sol,

seredes escarnidas en estos fieros montes.

Oys nos partiremos, dexadas seredes de nos.

Por Dios vos rogamos, don Ferrando e son Didago,

dos espadas tenedes fuertes e tajadores,

cortandos las cabeças, mártires seremos nos.

Moros e cristianos departirán desta razón.

Atan malos enssiemplos non fagades sobre nos,

con las çinchas corredizas májanlas tan sin sabor,

con las espuelas agudas don ellas an mal sabor.

Leváronles los mantos e las pieles armiñas,

mas déxanlas marridas, en briales y en camisas,

y a las aves del monte y a las bestias de la fiera guisa.

Por muertas las dexaron, sabed, que non por bivas.

¡Quál ventura serie si assomas essora el Çid Roy Díaz!