Batalla con el conde de Barcelona

El conde es muy follón e dixo una vanidat:

Grandes tuertos me tiene mio Çid el de Bivar.

Dentro en mi cort tuerto me tovo grand

agora córrem las tierras que en mi enpara están

non lo desafié nil torné amistad,

mas quando él me lo busca, ir gelo he yo demandar.

Del conde don Remont venido lês mensaje

mio Çid quando lo oyó, enbió pora allá:

DIgades al conde non lo tenga a mal,

de lo so non lievo nada, déxem ir en paz.

Respuso el conde tódom lo pechará

sabrá el salido a quien vino a desondrar.

Vidieron cuesta yuso la fuerça de los francos,

mandólos ferir mio Çid, de voluntad e de grado,

los pendones e las lanças tan bien las van enpleando

a los unos firiendo e a los otros derrocando.

Vençido a esta batalla al conde don Remont,

hi gañó a Colada que más vale de mil marcos.

Comede, don ROdrigo, e penssedes de folgar,

que yo dexar me morir, que non quiero comer al

el conde deon Remont non gelo preçia nada

él non quiere comer por quanto ha en toda España.

Comed, conde, deste pan e beved deste vino

si non, en vuestros dias non veredes cristianismo

e si vos comiéredes don yo sea pagado

quitarvos e los cuerpos e darvos e de mano.

Si lo fiziéredes, Çid, lo que avedes fablado,

tanto quanto yo biva seré dent maravillado.

Mas quanto avedes perdido e yo gané en campo,

sabet, non daré a vos, de ello un dinero malo.

Ido es el conde, tornós el de Bivar,

juntós con sus mesnadas, conpeçós de alegrar

de la ganançia que han fecha maravillosa e grand

tan ricos son los sos que non saben qué se an.

Aguijava el conde e penssava de andar,

miedo iva aviendo que mio Çid se repintrá.