En San Pedro de Cardeña

Tornavas don Martino a Burgos e mio Çid aguijó

pora San Pero de Cardeña quanto pudo a espolón,

con estos cavalleros quel sirven a so sabor,

Apriessa cantan los gallos e quieren crebar albores

quando llegó a San Pero el buen Campeador

y estava doña Ximena con çinco dueñas de pro,

rogando a san Pero e al Criador

tú que a todos guías, val a mio Çid el Campeador.

Llamavan a la puerta i sopieron el mandado

con lumbres e con candelas al corral dieron salto

gracias don Sancho, e so vuestro pagado

mas por que me vo de tierra, dovos çinquaenta marcos

dellas e de mi mugier fagades todo recabdo.

Dues fijas dexo niñas e prendetlas en los braços

por un marco que despendades al monesterio daré yo cuatro

bien las abastad, yo ansí vos lo mando.

Merçed, Campeador, en buena ora fostes nado

por malos mestureros de tierra sodes echado.

Merçed ya, Çid, barba tan complida.

Fem ante vos yo e vuestras ffijas

con aquestas mis dueñas de quien yo so servida

iffantes son e de días chicas.

Yo lo veo que estades cos en ida

e non de vos partir nos hemos en vida.

Encliní las manos la barba vellida

a las sues fijas en braço las prendía

llególas al coraçón, ca mucho las quería.

Llora de los ojos, tan fuerte mientre sospira:

Ya doña Ximena, la mi muger complida,

commo a la mie alma yo tanto vos quería.

Yo iré y vos fincaredes remanida.

Plega a Dios e a Santa María

que aun con mis manos case estas mis fijas.

Y a vos, mugier ondrada, de mí seades servida.