El Cid increpa a los infantes de Carrión

«Dezid ¿ qué vos mereçí, ifantes de Carrión,
«en juego o en vero o en alguna razón ?

«aquí lo mejoraré a juvizio de la cort.

«¿A quém descubriestes las telas del coraçón?

«A la salida de Valençia mis fijas vos di yo,
«con muy grand ondra e averes a nombre ;
«quando las non queriedes, ya canes traidores,
«¿ por qué las sacávades de Valençia sus honores ?
«¿ A qué las firiestes a çinchas e a espolones ?
«Solas las dexastes en el robredo de Corpes,
«a las bestias fieras e a las aves del mont.
«Por quanto les fiziestes menos valedes vos.
«Si non recudedes, véalo esta cort.»